2026 жылғы 15 маусымда «Республикалық ғылыми-техникалық кітапхана» КЕАҚ‑да әлемдегі жетекші білім беру және ғылыми контент жеткізушілерінің бірі — McGraw Hill америкалық баспасының өкілімен кездесу өтті.
Кездесу барысында баспаның электрондық ақпараттық ресурстары және оларды ғылыми, білім беру және кәсіби қызметте пайдалану мүмкіндіктері таныстырылды. Қатысушыларға Access WorldMed, Access Engineering, Access Science сияқты заманауи цифрлық платформалар мен дерекқорлар ұсынылды.
Кездесу конструктивті атмосферада өтіп, кітапхана қызметкерлерінің үлкен қызығушылығын тудырды. Мұндай іс‑шаралар отандық ғалымдардың, оқытушылардың, студенттердің және мамандардың жетекші әлемдік ақпараттық ресурстарға қолжетімділігін кеңейтуге, сондай-ақ ғылыми‑ақпараттық қамтамасыз ету саласындағы халықаралық ынтымақтастықты дамытуға ықпал етеді.
