Қазақстан Республикасының ұлттық стандарттары (ҚР СТ) жасанды интеллект жүйелерін әзірлеу, енгізу, басқару, бағалау және қауіпсіз пайдалану үшін кешенді негіз қалыптастырады. Қабылданған нормативтік құжаттар ЖИ технологияларының сенімділігін, ашықтығын және халықаралық талаптарға сәйкестігін қамтамасыз етуге бағытталған.
Негізгі стандарттар тізіміне мыналар кірді:
- ҚР СТ ISO/IEC 5338-2025 — ЖИ жүйелерінің өмірлік циклі процестерінің жүйесін белгілейді, соның ішінде ЖИ жүйелерін жоспарлау, әзірлеу, енгізу, пайдалану, сүйемелдеу және пайдаланудан шығару кезеңдерін айқындайды.
- ҚР СТ ISO/IEC 5339-2025 — ЖИ жүйелерін жіктеу және сипаттау бойынша ұсынымдарды қамтиды, жасанды интеллектінің әртүрлі түрлерін сәйкестендірудің негізгі ұғымдарын, сипаттамаларын және тәсілдерін айқындайды.
- ҚР СТ ISO/IEC 5392-2025 — ЖИ жүйелерінің ашықтығын қамтамасыз ету, нәтижелердің түсіндірілуі, пайдаланушыларды ақпараттандыру және жасанды интеллект технологияларына деген сенімді арттыру бойынша нұсқаулық береді.
- ҚР СТ ISO/IEC 23894-2025 — ЖИ жүйелерін әзірлеу, енгізу және пайдалану кезінде тәуекелдерді басқару (анықтау, бағалау, мониторинг жүргізу және азайту) бойынша ұсынымдарды белгілейді.
- ҚР СТ ISO/IEC 42001-2025 — ұйымдар үшін жасанды интеллектті басқару жүйесіне (AIMS) қойылатын талаптарды айқындайды.
- ҚР СТ ISO/IEC 24668-2025 — ЖИ жүйелерінің функционалдық сипаттамаларын, соның ішінде жұмыс сапасы, сенімділігі мен тиімділігі көрсеткіштерін бағалау әдістерін әзірлеу және қолдану бойынша талаптар мен ұсынымдарды белгілейді.
Барлық тілек білдіруші мамандар мен әзірлеушілер Арнайы техникалық әдебиеттер мен құжаттама орталығына барып, ҚР СТ құжаттарының толық мәтіндерімен жұмыс істей алады.
Анықтама алу және бару үшін байланыс деректері:
- Мекенжайы: Мұқанов көшесі, 233 (Қарасай батыр көшесінің қиылысы);
- Жұмыс кестесі: сағат 9:00-ден 18:00-ге дейін (сенбі, жексенбі — демалыс күндері);
- E-mail: spvid@rntb.kz;
- Телефондар: +7(727)-378-37-30, +7(727)-378-37-29, +7(727)-378-35-63.
